Ինչպե՞ս հյուրերին փոխանցել Wi-Fi-ի գաղտնաբառը՝ առանց այն արտասանելու

Գոյություն ունեն մի քանի տարբերակներ, որոնց օգնությամբ կարելի է միանալ Wi-Fi ցանցին, սակայն չիմանալ գաղտնաբառը: Դրանցից մեկը QR-կոդի կիրառումն է:

Գեներացնել QR-կոդ, որն ընկերներին և ընտանիքի անդամներին թույլ կտա միանալ Wi-Fi ցանցին՝ հատուկ կայքի միջոցով վերջինիս ստեղծման արդյունքում: QR-կոդը ստեղծելուց հետո այն կարելի է տպել և փակցնել տեսանելի վայրում կամ դնել սեղանին:

Այս մեթոդը շատ օգտակար է այն օգտատերերի համար, ովքեր ունենում են շատ հյուրեր, սակայն չեն ցանկանում բոլորին փոխանցել Wi-Fi ցանցի կոդը:

Wi-Fi ցանցի համար QR-կոդ ստեղծելու համար պետք է այցելել qifi.org կայք, մուտքագրել ցանցի անվանումը, գաղտնաբառը և սեղմել Generate:

WI-Fi ցանցի համապատասխան անվանումը և գաղտնաբառը գրելուց և Generate կոճակը սեղմելուց հետո, վեբ-հավելվածը կստեղծի QR-կոդ, որը կարող եք տպել կամ պահպանել սարքերում:

ԱՎԵԼԻՆ...

Ով է «բրազիլական Ուորեն Բաֆեթը»

Ներկայացնում եմ Heinz, Burger King և Budweiser ընկերությունների սեփականատեր Ժորժ Պաուլո Լեհմանի կյանքի կարևոր հատվածները:

Ժորժ Պաուլո Լեհմանը ծնվել է 1939 թվականին՝ Ռիո դե Ժանեյրո քաղաքում և  գործարարների ընտանիքից է: Նրա հայրը՝ Փոլը, Բրազիլիա եկել է Շվեյցարիայից և սկսել է զբաղվել պանրի վաճառքով:

17 տարեկանում Լեհմանը կարողանում է ընդունվել Հարվարդի տնտեսական ֆակուլտետ: Գործարարի կարծիքով, նա Հարվարդ ընդունվել է սպորտի, այլ ոչ թե ակադեմիական հաջողությունների շնորհիվ: Բուհն ավարտելուց հետո նա որոշ ժամանակ աշխատել է որպես լրագրող Jornal do Brasil հեղինակային խմբագրությունում:

Հարազատների կապերի շնորհիվ Լեհմանին հաջողվում է փորձաշրջան անցնել Credit Suisse բանկում: Նրա առաջին անկախ ներդրումն անհաջող է լինում:

1971 թվականին Լեհմանը՝ գործընկերներ Մարսել Թելիսի և Կառլոս Սիկուպիրի հետ միասին բացում է Banco de Investimentos Garantia ներդրումային բանկը: Մինչ այդ պահը նա մտածում էր աշխատանքի ընդունվել J.P. Morgan ամերկյան բանկում, սակայն սեփական բիզնես սկսելու ցանկությունը հաղթում է այդ մտադրությանը:

2017 թվականի արդյունքներով Forbes հեղինակային ամսագրում Ժորժ Պաուլո Լեհմանը զբաղեցնում է 22-րդ հորիզոնականը և համարվում է Բրազիլիայի ամենահարուստ մարդը: Նրա կարողությունը գնահատվում է 29,2 մլրդ ԱՄՆ դոլար:

ԱՎԵԼԻՆ...

2017-ի մեծ հայկական հարսանիքները

2017 թվականին մեկ անգամ չէր, որ հայկական հարսանիքները դարձան համաշխարհային լրատվամիջոցների քննարկման թեման:

Ապրիլին տեղեկություններ հայտնվեցին այն մասին, որ Եվրախորհրդարանի պատգամավոր Ֆրանկ Էնգելը պատրաստվում է ամուսնանալ Լեռանային Ղարաբաղում/Արցախում: Հարսնացուն Տաթև Մանուկյանն էր՝ Հայաստանից մի աղջիկ, ով բնակվում է Բրյուսելում: Հարսանիքը տեղի ունեցավ 2017-ի հունիսի 3-ին՝ Խոր Վիրապում:

Հայաստանի շախմատի հավաքականի առաջատար Լևոն Արոնյանի և ավստրալացի շախմատիստուհի Արիանա Կաիլիի հարսանիքը տեղի ունեցավ 2017-ի սեպտեմբերի 30-ին՝ Սաղմոսավանքում: Հարսանիքին գրոսմայստերը ծախսել է աշխարհի առաջնությունում շահած 120.000 ԱՄՆ դոլարը:

2017-ի նոյեմբերի 16-ին տեղի ունեցավ հայազգի ամերիկացի գործարար Ալեքսիս Օհանյանի և թենիսիստուհի Սերենա Ուիլյամսի հարսանիքը: Արևմտյան լրատվամիջոցները նշում էին, որ տոնակատարությունը եղել է «բոլոր ժամանակների ամենաթեժ հարսանիքը»:

ԱՎԵԼԻՆ...

Հայկական 3 գյուտեր, որոնք ցնցեցին աշխարհը 2017-ին

2017 թվականը հիշվեց հայ մասնագետների բացառիկ գյուտերով, որոնք աշխարհում դարձան առաջինն իրենց տեսակով: Ստորև ներկայացնում են դրանցից երեքը:

Առաջինը հայ ծրագրավորողների կողմից ստեղծված Volterman խելացի դրամապանակն էր, որը կյանքի կոչվեց 2017 թվականի մայիսին: Դրամապանակն օժտված է GPS հնարավորությամբ, որը թույլ է տալիս հեշտությամբ գտնել այն: Դրամապանակում ներդրված է նաև տեսախցիկ, որը կարողանում է լուսանկարել դրամապանակը գողացողին և այն ուղարկել դրամապանակի տիրոջը:

Երկրորդ գյուտը վերաբերվում է ռազմական ոլորտին: 2017-ի ապրիլին հայկական «Արագած» ընկերությունը «Ֆագոտ» հակատանկային համակարգի համար մշակեց և արտադրեց ջերմային պատկերման սարքավորում, որը թույլ է տալիս հայտնաբերել և հարվածել հակառակորդի ռազմական տեխնիկային ավելի քան 3500 մ հեռավորության վրա, իսկ կենդանի ուժին՝ 5500 մ հեռավորության վրա:

Երրորդ հեղափոխական գյուտը նորից ՏՏ ոլորտից էր: 2017-ի դեկտեմբերին Երևանում ներկայացվեց աշխարհում առաջին մանկական «խելացի» օրորոցը, որը հեշտությամբ միանում է սմարթֆոններին: Օրորոցում տեղադրված է ռադիոդայակ, տեսախցիկ, երաժշտական նվագարկիչ և լամպ: Ծնողները սմարթֆոնի միջոցով օրորոցին կարող են միանալ ցանկացած պահի, աշխարհի ցանկացած կետից:

ԱՎԵԼԻՆ...

Շնորհավոր Ամանոր և Սուրբ Ծնունդ

Ահա և վերջ: Ավարտվեց ևս մեկ տարի՝ իր դրական և բացասական իրադարձություններով ու ձեռքբերումներով:

Հարգելիներս, սրտանց շնորհավորում եմ բոլորիդ Ամանորն ու Սուրբ Ծնունդը: Ցանկանում եմ, որ 2018 թվականը լինի նոր հաջողությունների և ձեռքբերումների տարի՝ թե՛ Ձեզ համար, թե՛ մեր երկրի:

ԱՎԵԼԻՆ...

5 գործարարներ, որոնք հաջողության են հասել 35-ից հետո

Այսօր շատ մոդայիկ է լինել երիտասարդ և միևնույն ժամանակ՝ հաջողակ: Եթե 17 տարեկանում դուք դեռևս չունեք Ձեր սեփական ստարտափը, իսկ 25 տարեկանում չեք վաստակել Ձեր առաջին միլիոնը, ապա կարող եք դասվել անհաջողակների ցուցակում: 

Alibaba Group-ի հիմնադիր Ջեք Ման մի առիթով ասել է. «Եթե 35 տարեկանում դուք դեռևս աղքատ եք, ուրեմն դուք դրան արժանի եք»: Ինքը՝ Ջեք Ման, դեռևս չլինելով 35 տարեկան, ընկերների հետ գրանցել է Alibaba.com կայքը և սկսել վաստակել:  

Ձեզ եմ ներկայացնում 5 գործարարների, որոնք հաջողության են հասել 35 տարեկանից հետո:

1. Չարլզ Ֆլին, IBM-ի հիմնադիր — 61 տարեկանում
2. Ամադեո Ջիաննիի, Bank of America-ի հիմնադիր — 60 տարեկանում
3. Ֆերդինանդ Պորշե, Porsche-ի հիմնադիր — 56 տարեկանում
4. Հենրի Նեստլե, Nestle-ի հիմնադիր — 52 տարեկանում
5. Սեմ Վալտոն, Walmart-ի հիմնադիր — 44 տարեկանում

ԱՎԵԼԻՆ...

15 պատճառ, որոնց համար հեռանում են լավագույն աշխատակիցները

Լավագույն աշխատակիցներից մեկի կորուստը լուրջ հարված է ընկերության համար։

Հասկացե՛ք, թե ի՞նչն է մարդկանց ստիպում փոխել իրենց աշխատանքը և դուք կկարողանաք ստեղծել ճիշտ ընկերություն։

1․ Ղեկավարի հետ հետադարձ կապի բացակայություն։

2․ Աշխատանքի և անձնական կյանքի միջև անհավասարակշռություն։

3․ Խտրականություն։

4․ Ավելորդ կամ անբավարար ծանրաբեռնվածություն։

5․ Հարգանքի պակաս։

6․ Անհետաքրքրություն։

7․ Առաջընթացի բացակայություն։

8․ Ճնշման ռեժիմ։

9․ Ճանաչման բացակայություն։

10․ Մասնագիտական զարգացման բացակայություն։

11․ Պարգևավճարների բացակայություն։

12․ Ազատության սահմանափակում։

13․ Իմաստի բացակայություն։

14․ Ֆինանսական անկայունություն։

15․ Եվ ի վերջո՝ Անարդյունավետ մոտիվացնող ծրագրեր։

ԱՎԵԼԻՆ...

Nokia-ն ամանորյա գովազդում խնդրում է անջատել հեռախոսները

Nokia ընկերությունը հրապարակել է Be the gift («Եղիր նվեր») կոչվող հուզիչ տեսահոլովակ, որը նվիրված է ամանորյա տոներին: Տեսահոլովակը գովազդային է, թեև այն չի գովազդում ընկերության սմարթֆոնները:

Տեսանյութը ցույց է տալիս մոր և տղայի հարաբերությունները հեռավորության վրա՝ հաղորդագրությունների, տեսազանգերի և լուսանկարների միջոցով, որոնք ուղարկվում են Nokia սմարթֆոններով: 

Գովազդային հոլովակի վերջում չկա նույնիսկ գովազդվող սարքի անվանումը, սակայն կա մի շատ կարևոր խնդրանք. «Անջատել բջջային հեռախոսները և ամանորյա տոներն անցկացնել հարազատների շրջանում»:

ԱՎԵԼԻՆ...

3 լեգենդար փաստ Motorola ընկերության մասին

Motorola ընկերության մասին անկասկած հիշում են բոլորը, չնայած այն փաստին, որ ընկերությունը վերջին տարիներին այնքան էլ աչքի չի ընկում ժամանակակից սարքերով: Ժամանակի ընթացքում ընկերությունն ունեցել է վերելքներ և վայրէջքներ, որոնց մասին էլ կխոսեմ:

Ստորև ներկայացնում եմ 3 լեգենդար փաստեր Motorola ընկերության մասին:

1. Ընկերության անվանումն առաջացել է ավտոմեքենաների համար նախատեսված ընդունիչի անունից

Galvin Manufacturing ընկերության առաջին արտադրանքներից մեկը եղել է ավտոմեքենաների համար նախատեսված ռադիոընդունիչը, որը կոչվել է Motorola: Թողարկվել է 1930 թվականին:

2. Աշխարհում առաջին փեյջերը ևս արտադրվել է Motorola-ի կողմից

Եթե չլիներ Motorola ընկերությունը, ով գիտի, թե այսօր ինչպիսին կլիներ տեքստային հաղորդակցությունը: Աշխարհում առաջին փեյջերը թողարկվել է հենց Motorola ընկերության կողմից՝ 1956 թվականին:

3. Motorola-ի բոլոր հեռախոսների վրա նույն ժամն է

11:35 ժամը, որն օգտագործվում է Motorola ընկերության սարքերի գովազդներում, ունի իր նպատակը:

Բանն այն է, որ 1973 թվականի ապրիլի 3-ին Motorola-ի աշխատակից Մարտին Կուպերը ընկերության հեռախոսով առաջին անգամ զանգ կատարել է հենց այդ ժամին:

ԱՎԵԼԻՆ...

2 լուսանկար մեր աշխարհի լավագույն կողմերի մասին

Կյանքը հիասքանչ է, ինչի մասին մարդիկ շատ հաճախ մոռանում են: Երջանկության բացարձակ բանաձև գոյություն չունի, սակայն փոքրիկ ուրախությունները, որոնք մեզ շրջապատում են, ունակ են ստեղծելու բարեկեցության և խաղաղության մթնոլորտ:  

Եկեք միասին վերհիշենք այն մանրուքներին մասին, որոնք ժպիտ են պարգևում նույնիսկ ամենադժվար օրերին:

Նրանք արդեն մոտ ընկերներ են

Ահա թե ինչպիսի տեսք ունի երջանիկ սագը

ԱՎԵԼԻՆ...