Հայերի կողմից ամենափնտրված բառերը Google որոնման համակարգում

 

Vardblog.NET-ը ներկայացնում է Google որոնման համակարգում հայերի կողմից ամենաորոնված բառերի լավագույն 25-յակը:

Ստորև կարող եք ծանոթանալ այն 25 հարցումներին, որոնք հայերի կողմից կատարվել են վերջին 30 օրվա ընթացքում:

ԱՎԵԼԻՆ...

Ինչպես քիչ ծախսել և շատ խնայել․ պարզ կանոններ, որոնց մասին մենք մոռանում ենք

  Photo Credits: Iravaban.net

Սովորում ենք հստակ նպատակներ դնել մեր առջև և կիրառել պարզ կանոններ։

Ինչպես ծախսել ավելի քիչ 

1․ Կատարեք եկամուտների և ծախսերի «հաշվապահություն»

Անհիմն ծախսերի ամենատարածված պատճառներից մեկը հաշվարկի բացակայությունն է։ Որպեսզի հստակ հասկանաք, թե որտեղ են ծախսվում ձեր գումարները, պետք է կատարել եկամուտների և ծախսերի ամենաօրյա հաշվարկ։ Ժամանակ գտնել և գրառումներ անել տվյալ օրվա ծախսերի վերաբերյալ։ Ի դեպ, կարող եք օգտվել նաև բջջային հավելվածներից, օրինակ 1Money-ից։

2․ Պլանավորեք ձեր բյուջեն

Հաշվարկեք, թե որքան գումար է ձեզ անհրաժեշտ մեկ ամսվա ծախսերի համար։ Իդեալական է համարվում այն հաշվարկը, որում եկամուտները ծախսերին գերազանցում են նվազագույնը 10%-ով։

3․ Բարդացրեք ձեր կյանքը

Իմպուլսիվ ծախսերից խուսափելու համար առկա են մի քանի տարբերակներ։ Բայց դրա համար պետք է բարդացնել գնումների ընթացքը։ Եվ այսպես՝

- գնումների գնացեք գնվող ապրանքների նախնական ցուցակով և փորձեք խստորեն պահպանել դրանք,

- ձեզ հետ վերցրեք սահմանափակ կանխիկ գումար (կամ բանկային քարտ օրական ցածր լիմիտով),

4․ Սովորեք հրաժարվել

Գիտակցված գնումներից կարելի է նաև եկամուտ ստանալ։ Ամեն անգամ, երբ կհրաժարվեք իմպուլսային գնումներից, այդ գումարը պահպանեք բանկային հաշվի վրա։

Ինչպես խնայել ավելի շատ

1․ Սահմանեք հստակ նպատակներ

Ձեր ցանկությունները ձևակերպեք հնարավորինս պարզ։ Ոչ թե «Ես ցանկանում եմ ավտոմեքենա», այլ «Ես ցանկանում եմ կարմիր ավտոմեքենա այս ամռանը»։ Հաշվարկեք, թե որքան գումար է հարկավոր ձեր այդ ցանկությունն իրականացնելու համար։

2․ Գտեք եկամուտների նոր աղբյուրներ

Այսօր կողմնակի աշխատանք գտնելը շատ հեշտ է, կարևորը ցանկությունն է։ Կան բազմաթիվ ինտերնետային ծառայություններ, որոնք պատվիրատուներին և կատարողներին միավորում են մեկ հարթակում։ Կարելի է միանալ նաև ggTaxi, Yandex Taxi և այլ նմանատիպ ծառայությունների և ունենալ լրացուցիչ եկամուտ։

Ներշնչման աղբյուր՝ Lifehacker.ru

ԱՎԵԼԻՆ...

Աշխարհի ամենահարուստ հայուհին․ Քերոլին Ռաֆայելյան

Դեռևս 2019 թվականի մարտին աշխարհահռչակ Forbes ամսագիրը հրապարակեց աշխարհի ամենահարուստ մարդկանց ցուցակը, որի մեջ հայտնվեց նաև ամերիկաբնակ հայուհի Քերոլին Ռաֆայելյանը։

Ըստ ամսագրի, Քերոլինի կարողությունը գնահատվում է մոտ 1 մլն ԱՄՆ դոլար։ Նշվում է, որ հայուհին իր կարողությունները վաստակել է ինքնուրույն՝ զարգերի հաղոջ բիզնես իրականացնելու շնորհիվ։

Քերոլին Ռաֆայելյանը ծնվել է 1966 թվականին ԱՄՆ-ում՝ Արևմտյան Հայաստանի փախստականների ընտանիքում։ Հետագայում հայրը ստեղծել է ոսկերչական ընկերություն, որտեղ և Քերոլինը սկսել է աշխատել՝ Լոս Անջելեսում քոլեջն ավարտելուց հետո։

Արդեն 2004 թվականին Քերոլինը ստեղծում է իր սեփական Alex&Ani ընկերությունը (դստրեր անուններով)։ Ընկերությունն սկսում է կենդանակերպի նշաններով եզակի զարդեր պատրաստել, դրանով իսկ ձեռք բերելով հայտնիություն և ճանաչելիություն ամբողջ Ամերիկայում։ 

Ամերիկաբնակ հայուհու փոքր բիզնեսը սկսում է զարգանալ 2015 թվականին, երբ ընկերության տարեկան շրջանառությունը հասնում է 230 մլն ԱՄՆ դոլարի, իսկ արդեն մեկ տարի անց՝ կես միլիարդ ԱՄՆ դոլարի։ 

Ի դեպ, 2015 թվականից Alex&Ani բոլոր խանութները սկսել են վաճառել CAMP HAIASTAN թևնոցները, որոնց վաճառքից առաջացած ամբողջ եկամուտը Քերոլինն ուղղում է բարեգործությանը։

ԱՎԵԼԻՆ...

Արժե՞ արդյոք դիմել հիփոթեքի համար 2020 թվականին․ կորոնավիրուս և նոր ճգնաժամ

Կորոնավիրուս, արտակարգ դրություն բազմաթիվ երկրներում, նավթի գների նվազում, ինչպես նաև բորսաների անկում։ Կարելի է կանխատեսել, որ մենք կանգնած ենք նոր ճգնաժամի առաջ։

Այս հոդվածում կփորձենք հասկանալ՝ արժե՞ արյոք դիմել հիփոթեքի համար 2020 թվականին, թե՞ ավելի լավ է սպասել իրավիճակի կայունացմանը։

Ձեռնտու է արդյո՞ք դիմել հիփոթեքի համար 2020 թվականին

Եթե ներկայիս իրավիճակը համեմատենք 2014-2015թթ․-ի հետ, ապա կարող ենք արձանագրել, որ մեր օրերում հիփոթեքի տոկոսադրույքներն ավելի ցածր են, քան 2014-2015թթ․-ին։ Այսօր հայկական բանկային ոլորտում հիփոթեքի համար առաջարկվող տոկոսադրույքները տատանվում են 5-14%-ի սահմաններում՝ կախված վարկատեսակից, կանխավճարի չափից և արժույթից։ Ի դեպ, առաջիկայում գործող տոկոսադրույքներն ավելի շուտ կբարձրանան, քան կնվազեն։ Մի քանի միլիոն դրամի չափով վերցրած հիփոթեքի դեպքում 2-3%-ի փոփոխությունը կարող է լուրջ ազդեցություն ունենալ վճարումների և վերջնական վճարվող գումարի վրա։

1․ Եթե պլամավորել եք բնակարան կամ բնակելի տուն գնել հիփոթեքային վարկի միջոցով, ապա ավելի լավ ժամանակների սպասելն իմաստ չունի։ Հիմա ճիշտ ժամանակն է։

2․ Չնայած այն համգամանքին, որ ՀՀ-ում վերջին 1-2 տարիների ընթացքում էականորեն նվազել են հիփոթեքային վարկի տոկոսադրույքները, դրանք նույն հաջողությամբ կարող են նորից բարձրանալ՝ կորոնավիրուսի հետևանքով ամբողջ աշխարհում արդեն իսկ առաջացած ճգնաժամի պատճառով։

3․ Դեռևս 2020թ․ հունվարից սկսեց շրջանառվել լուրեր այն մասին, որ ՀՀ կառավարությունը ցանկանում է կասեցնել հիփոթեքային վարկի դեպքում եկամտային հարկի վերադարձման հնարավորությունը, որը հետագայում քննարկվեց նաև կառավարության նիստում։ Իսկ հավանականությունը, որ առաջիկայում կառավարության կողմից կամ կկասեցվի կամ փոփոխության կենթարկվի նշված օրենքը, մեծ է։ 

Արժե արդյո՞ք դիմել հիփոթեքի համար 2020 թվականին

Որպեսզի առավել հստակ գնահատեք իրավիճակը կոնկրետ ձեզ համար, հետևեք ստորև նշված քայլերին։ Եթե նշված քայլերից որևէ մեկը չեք կարող կատարել, ապա ևս մեկ անգամ մտածեք հիփոթեքի համար դիմելուց առաջ։

1․ Գնահատեք և հաշվարկեք Ձեր ֆինանսական կարողությունները։ Չարժե դիմել այնպիսի գումարի համար, որի դեպքում ամսական վճարումների չափը կկազմի Ձեր ընտանեկան բյուջեի 30%-ից ավելին։ Եկամուտները կարող են կրճատվել, մարդիկ շատ հաճախ հիվանդանում են և այլն․․․

2․ Չնախատեսված դեպքերի համար ունեցեք գումարի պաշար (պաշարը նվազագունը պետք է բավականեցնի 3-6 ամսվա, իսկ ավելի լավ է 1 տարվա համար)։

3․ Հիփոթեք պետք է վերցնել կամ ՀՀ դրամով կամ այն արժույթով, որ արժույթով որ Ձեր եկամուտներն են։

4․ Տարեկան անվանական տոկոսադրույքը պետք է ֆիքսված լինի։ Խուսափեք լողացող տոկոսադրույքներից։

5․ Դժբախտ պատահարներից և գույքի ապահովագրության պահանջը պետք է պարտադիր լինի։

6․ Գնահատեք Ձեր եկամուտների աղբյուրները։ Կորոնավիրուսի հետ կապված իրավիճակը շատ բացասական է։ Բազմաթիվ ոլորտներում առաջիկայում մեծ կորուստներ կլինեն (տուրիզմ, բեռնափոխադրումներ, միջոցառումների կազմակերպում և այլն․․․)։ Ինչ-որ մեկը կսննկանա, ինչ-որ մեկը դուրս կմնա աշխատանքից, ինչ-որ տեղ էլ կդադարեցվի գործունեությունը։

ԱՎԵԼԻՆ...

3 բջջային հավելվածներ, որոնք Ձեզ կսովորեցնեն ծրագրավորել

Փնտրում ե՞ք դասընթացներ, որոնք Ձեզ ծրագրավորում կսովորեցնեն: Vardblog.NET-ը ներկայացնում բջջային հավելվածներ, որոնց օգնությամբ ծրագրավորում կարելի է սովորել նաև ճանապարհին:

1. Swift Playgrounds

Դժվար գտնվի մարդ, ով գոնե մեկ անգամ չի լսել iPad-ի համար նախատեսված այս հավելվածի մասին: Եթե դուք փնտրում եք ծրագիր, որը Ձեզ կօգնի սովորել Swift ծրագրավորման լեզուն, ապա միանշանակ կարող եք ընտրել Swift Playgrounds հավելվածը:

2. Udacity

Որակյալ հավելված, որի մեջ կան տեքստեր, տեսանյութեր, և գործիքներ, որոնք ներմուծված են Facebook-ի, Google-ի և այլ հայտնի ընկերությունների առաջատար ծրագրավորողների կողմից: Հավելվածը կարելի է գտնել ինչպես Google Play-ում, այնպես էլ iTunes-ում:

3. SoloLearn

Հավելված, որը ստեղծվել է հայերի կողից: Հավելվածում կարելի է ծանոթանալ վեբ-ծրագրավորման ((JS, HTML, CSS, Jquery, PHP), Java, Python, C, C++, Ruby, Swift, SQL, ալգորիթմերի/տվյալների ենթակառուցվածքների, մեքենայական ուսուցման և այլի հետ:

ԱՎԵԼԻՆ...

30 տարի անց տեխնոլոգիական կորպորացիաները կկառավարեն մարդկանց

2050 թվականին Apple և Google ընկերությունները կկարողանան կառավարել մարդկանց ոչ միայն տեղեկատվական հոսքը և հանգիստը, այլև կկարողանան նրանց հասցնել անմահության կամ մահվան: Նման եզրահանգման է եկել բրիտանացի գիտնական Փիրսոն Յենը:

Վերջին տասնամյակում վերոնշված կորպորացիաները միլիարդավոր դոլարներ են ծախսել արհեստական բանականության վրա: Գիտնականի կարծիքով, մոտ ապագայում ընկերությունները կսկսեն զբաղվել կեսատեխնոլոգիական ոլորտով, և նույնիսկ կկարողանան մարդկանց մեջ ներդնել չիփեր, որոնք կկառավարեն նրանց վարքագիծը, օրգանիզմի վիճակը:

Ֆուտուրիստը կարծում է, որ պետությունը հնարավոր է թույլ տա նաև, որպեսզի նշված ընկերությունները կարողանան ազդել մարդկանց նեյրոնների վրա:

ԱՎԵԼԻՆ...

Հայերի կողմից ամենափնտրված բառերը Google-ում (2018թ. 1-ին եռամսյակ)

Vardblog.NET-ը սկսում է վերլուծական հոդվածների նոր շարք, որի շրջանակներում տարվա բոլոր եռամսյակների վերջում կներկայացնի Google որոնման համակարգում հայերի կողմից ամենաորոնված բառերի լավագույն 25-յակը:

Ստորև կարող եք ծանոթանալ այն 25 հարցումներին, որոնք հայերի կողմից կատարվել են վերջին 90 օրվա ընթացքում:

ԱՎԵԼԻՆ...

3 արտահայտություններ, որոնց համար Ձեզ չեն ընդունի աշխատանքի

Շատերս ենք ցանկանում մեր լավագույն կողմերը ցուցադրել ռեզյումեին կից ուղեկցող նամակում, սակայն շատ հաճախ ստացվում է հակառակը: Որպեսզի գրենք ամենաօրիգինալ և համոզիչ բացատրությունները, թե ինչու պետք է մեզ վերցնեն աշխատանքի, ուղեկցող նամակը «լցոնում ենք» ավելորդ նախադասություններով:

Vardblog.NET-ը ներկայացնում է 3 արտահայտություններ, որոնցից պետք է խուսափել և՛ ուղեկցող նամակում և՛ հարցազրույցի ժամանակ:

1. «Հարգելի ...»

Պետք է խուսափել «Հարգելի ...» դիմելաձևից: Շատ ավելի արդյունավետ է գրել. «Մարդկային ռեսուրսների թանկագին պատասխանատու»: 

Reputation Capital Media Services-ի հիմնադիր Մերի Էլլեն Սլեյթերն ասում է. «Նման անորոշ դիմելաձևը հուշում է այն մասին, որ դուք ժամանակ չեք հատկացրել գտնելուն և հասկանալուն, թե ում եք կոնկրետ գրում»:

2. «Կարծում եմ ես լավագույն թեկնածուն եմ այս պաշտոնի համար»

Կրկին Սլեյթերը նկատում է.

«Սա կրկանկի հիմարություն է: «Կարծում եմ», «Զգում եմ» և «Հավատում եմ» բառերը բիզնես միջավայրում օգտագործելի չեն: Եվ դուք չպետք է որոշեք, համապատասխանում եք նշված աշխատանքին, թե ոչ»: 

3. «Ինձ այնքա՜ն դուր է գալիս Ձեր ընկերությունը ...»

Get It Done: Write a Cover Letter գրքի հեղինակ Ջերեմի  Շիֆիլինգը նշում է, որ թեկնածուները շատ հաճախ ընկնում են ձևականությունների հետևից և փորձում են տվյալ ընկերության նկատմամբ իրենց սիրով աչքի ընկնել զրուցավարների մոտ: 

Կան սահմաններ, որոնք անցնելու դեպքում դա նմանվում է հիմարության: Ոչ ոք չի սիրում դատարկ խոսացողներին:

ԱՎԵԼԻՆ...

5 երկրներ, որտեղ պետք է ներդրում անել հենց հիմա

Որպեսզի հնարավոր լինի հասկանալ, թե արդյո՞ք արժե ներդրում անել այս կամ այն երկրում, պետք է ուշադրություն դարձնել մի քանի կարևոր չափանիշների:

Համաշխարհային բանկն իր հաշվետվության մեջ ընդգծել է չորս կարևոր գործոններ (մարդիկ, շրջակա միջավայրը, փոխկապվածությունը և կառուցվածքը), որոնք կարևոր են ոչ միայն անհատ ձեռնարկատերերի, այլ նաև խոշոր կորպորացիաների համար՝ բնական ռեսուրսներում, շուկաներում, տեխնոլոգիաներում և բրենդներում ներդրում անելու տեսանկյունից:

Վերը նշված հաշվետվության հիման վրա U.S. News պարբերականը հրապարակել է լավագույն երկրների ցանկը, որոնք լավագույնն են ներդրումների տեսանկյունից:

5. Սինգապուր

Բնակչություն՝ 5,6 մլն

ՀՆԱ՝ $297 մլրդ

ՀՆԱ-ի գերաճ՝ 2%

4. Մալազիա

Բնակչություն՝ 31,2 մլն

ՀՆԱ՝ $296,4 մլրդ

ՀՆԱ-ի գերաճ՝ 4,2%

3. Լեհաստան

Բնակչություն՝ 37,9 մլն

ՀՆԱ՝ $469,5 մլրդ

ՀՆԱ-ի գերաճ՝ 2,9%

2. Ինդոնեզիա

Բնակչություն՝ 261,1 մլն

ՀՆԱ՝ $932,3 մլրդ

ՀՆԱ-ի գերաճ՝ 5%

1. Ֆիլիպիններ

Բնակչություն՝ 103,3 մլն

ՀՆԱ՝ $304,9 մլրդ

ՀՆԱ-ի գերաճ՝ 6,9%

ԱՎԵԼԻՆ...

Instagram-ի 10 ամենահայտնի հայկական պրոֆիլները

Instagram սոցիալական ցանցը շատ հայտնի է և միլիոնավոր պրոֆիլների մեջ շատ դժվար է առանձնացնել նրանց, ում իսկապես պետք է հետևել կամ բաժանորդագրվել:

Vardblog.NET-ն առանձնացրել է Instagram-ի հայակական այն 10 պրոֆիլները, որոնց կարելի է բաժանորդագրվել և հետևել:

1. Հենրիխ Մխիթարյան (ֆուտբոլիստ)

2. Սերժ Թանգյան (ռոք-երգիչ)

3. Սուրեն Մանվելյան (լուսանկարիչ)

4. Դիանա Մարկոսյան (լուսանկարիչ)

5. Wings of Tatev (ճոպանուղի Տաթևի վանքում)

6. Դան Բիլզերյան («Instagram-ի թագավոր»)

7. Դավիթ Հակոբյան (ՀՀ նախագահի լուսանկարիչ)

8. Էմմա Մարաշլյան (Photo Atelier Marashlyan ֆոտո-ստուդիայի հիմնադիր)

9. Սքաութ Թուֆանքջյան (ֆոտոլրագրող)

10. VSCOArmenia (միակ պրոֆիլը, որը չի պատկանում ո՛չ անձի և ո՛չ էլ որևէ կազմակերպության)

ԱՎԵԼԻՆ...