понедельник, 18 декабря 2017 г.

Ավետիս Թևանյան. Ջոբսի վստահված անձը և Mac OS X-ի մշակողը


Ավետիս (Էվի) Թևանյանը ծնվել է 1961 թվականին՝ ամերիկյան Մեն նահանգի Ուեստբրուք քաղաքում: Մանկուց հետաքրքրվել է մաթեմատիկայով, ինֆորմատիկայով, դպրոցից հետո ընդունվել է Ռոչեսթերի համալսարան, որտեղ ստացել է բակալավրի աստիճան: Հետագայում Թևանյանը ստացել է դոկտորի կոչում՝ համակարգչային գիտությունների ոլորտում:

Ավետիս Թևանյանը և Ռիչարդ Ռաշիդը Կարնեգի Մելլոն համալսարանում ստեղծել են Mach միկրոմիջուկը, որը հետագայում դարձել է NeXT ընկերության համակարգիչների հիմնական օպերացիոն համակարգը: Իսկ ավելի ուշ Սթիվ Ջոբսի հրավերով Թևանյանը տեղափոխվել է Apple ընկերություն:

2003 թվականին Թևանյանը դարձել է Apple Computer ընկերության ծրագրերի մշակման գծով ավագ փոխնախագահ: Apple ընկերությունում Թևանյանը եղել է առաջին դեմքը, ով զբաղվել է Mac OS X օպերացիոն համակարգի մշակմամբ:

2006 թվականի մարտի 31-ին Թևանյանը լքել է Apple ընկերությունը և ներգրավվել Tellme Networks ընկերության տնօրենների խորհրդում: Էվի Թևանյանը շատ մոտ է եղել Սթիվ Ջոբսի հետ և եղել է նրա վստահված անձանցից մեկը:
ՀԱՎԱՆԵ՛Ք ԵՎ ՏԱՐԱԾԵ՛Ք